Óskemende sý tasqyny qaýpi bar ýchaskelerge monıtorıng júrgizilýde

ÓSKEMEN. QazAqparat – Óskemen qalasynda sý tasqyny qaýpi bar ýchaskelerge monıtorıng júrgizilýde, dep habarlaıdy QazAqparat tilshisi.

ShQO Tótenshe jaǵdaılar departamentiniń mamandary shahar ákimdigimen birlesip sý tasqyny qaýpi bar ýchaskelerdi tekserýde. Mundaǵy maqsat – tasqynǵa qarsy josparlanǵan is-sharalardyń tıimdiligin baǵalaý jáne osyǵan deıin oryndalǵan jumystardyń jaı-kúıin tekserý.

Óskemende 954 turǵyn úıdi sý basýy múmkin. Monıtorıng nátıjelerinen keıin qardy ýaqtyly shyǵaryp, sý ótkizgish qubyrlardy tazartý jumystaryna basa mán beriledi.

«Kóktem kezinde tótenshe jaǵdaılardyń aldyn alý úshin «Jumyspen qamtýdyń jol kartasy» baǵdarlamasy aıasynda Úlbi ózeniniń arnasyn burý jumystary júrgizilýde. Bul maqsatta 650 mln 687 myń teńge bólindi. 2020 jyldyń kúzinde atalǵan ýchaskedegi josparlanǵan jumystar tolyqtaı oryndaldy», - dep habarlady vedomstvo ókilderi.

Osylaısha, Eski Sogra kentindegi Úlbi ózeniniń boıynda ornalasqan 270 turǵyn úı men №18 orta mektepti sý basý qaýpi birshama azaıǵan.

Aıta keteıik, qalalyq tótenshe jaǵdaılar bóliminde tasqynnyń aldyn alýǵa qatysty jedel shtab quryldy. Bıyl shahardaǵy jerdiń tońy 69 sm.