Óskemende sý shaıyp ketken kópir qalpyna keltirildi
ÓSKEMEN. QazAqparat - Óskemenniń Sogra yqsham aýdanynda sý shaıyp ketken Mahovka ózeniniń ústimen ótetin kópir qysqa ýaqytta qalpyna keltirildi, dep habarlaıdy QazAqparat tilshisi qala ákimdiginiń baspasóz qyzmetine silteme jasap.
«Metallýrg» jáne «Vostochnık» baǵban seriktestikterinde shamamen 600 tútin turady. Olar osy kópir arqyly qalaǵa barady, «jedel járdem» osy kópirmen júredi, órt sóndirýshiler men polıtsııa da osy kópirdi paıdalanady. Tasqyn kezinde kópirdi sý shaıyp ketti. Biraq ol shuǵyl túrde qalpyna keltirildi», - deıdi qala ákimdiginiń qyzmetkerleri.
Sograda jaǵdaı turaqty, búgin 4 myń tekshe metr erigen qar sýy shyǵarylyp, 30 úıdiń aýlasy sýdan tazartyldy.
