Óskemende stýdent túrmege smartfondar ótkizbek boldy
ÓSKEMEN. KAZINFORM — Óskemen qalasynda sottalǵandarǵa baılanys quralyn jetkizýdiń kezekti faktisi anyqtaldy. Bul týraly Ulttyq ulannyń baspasóz qyzmeti málim ettti.
— Bul joly jergilikti ýnıversıtettiń stýdenti 6 smartfondy túzetý mekemesiniń qorshaýynan ishke qaraı laqtyrýǵa tyrysqany úshin ustaldy. Іrgeles aýmaqty patrýldeý kezinde № 17 mekeme qyzmetkerleri 6699 áskerı bóliminiń kınology Temirbek Gýbaıdýllınmen birlesip, «Tor» atty qyzmettik ıttiń kómegimen kolonııa ýchaskeleriniń birinde zańsyz áreket etken azamatty ustaıdy, - delingen habarlamada.
Qolǵa túsken quqyq buzýshyny tekserý kezinde «Samsung», «Huawei» jáne «Oppo» markaly 6 dana smartfon tabylǵan.
Kúdiktiniń jeke basyn anyqtaý barysynda onyń 2005 jyly týǵany jáne Óskemen qalasyndaǵy joǵary oqý oryndarynyń biriniń stýdenti ekeni belgili boldy. Stýdenttiń aıtýynsha, mundaı kómekti beıtanys adam aqshalaı syıaqy tólep ótingen eken.
Kúdikti men tárkilengen telefondar Qylmystyq-atqarý júıesi komıtetiniń qyzmetkerlerine tabystaldy.
Aıta keteıik, Ulttyq ulan qyzmetkerleri túzeý mekemelerine 140 uıaly telefondy ótkizý áreketterin toqtatty.