Óskemende sot turǵyn úıdiń aqaýlary men kemshilikterin joıýǵa mindettedi

ASTANA. QazAqparat - Shyǵys Qazaqstan obylysynyń mamandandyrylǵan aýdanaralyq ekonomıkalyq sotyna «Óskemen qalasynyń qurylys bólimi» MM-i «Dar-Stroı» JShS-na jumystardy oryndaý mindetterin júkteý jáne memlekettik satyp alýdyń josyqsyz qatysýshysy dep taný týraly talap aryzben júgindi, dep habarlaıdy oblystyq sotynyń baspasóz qyzmeti.

Sot taraptar arasynda 579,1 mln teńgeniń «Shyǵys Qazaqstan oblysy, Óskemen qalasynyń 19-shy turǵyn aýdanynda turǵyn úılerdi salý» obektisi boıynsha jumystardy oryndaýǵa kelisim-shart jasaǵanyn anyqtady. Turǵyn úıdi salý boıynsha jaýapker mindetterin oryndaǵan.  Nysan 2013 jyldyń 12 jeltoqsanynda qoldanysqa berilgen.

Úı turǵyndarynan qurylystyń aqaýlary men kemshilikteri boıynsha shaǵym túsýine baılanysty, talapker baıqaý aktisin jasap, jaýapkerdiń meken-jaıyna narazylyqtardy joldaǵan, alaıda jaýapker «Dar-Stroı» JShS-y narazylyqtardy elep eskermegen. Narazylyqtar mynadaı bolǵan: barlyq kireberisterde beton edender buzylǵan, kóptegen terezelerde tereze sýaǵary joq, sektsııa arasyndaǵy jaryq jylý oqshaýlaǵyshpen bólinbegen, syrt jaqtary metaldyq jabynqyshpen bekitilmegen, shatyrdan jaýyn sý aǵyp, páterdiń besinshi qabatyna ótip ketip, sonyń saldarynan páterlerde dymqyl jáne sary daqtar paıda bolǵan, úı janyndaǵy tósenish jartylaı buzylyp, jańbyr kezinde sý úıdiń jertólesine ótip, nátıjesinde jertóle ishi dymqyl jáne zeń basyp ketken.

Іstiń materıaldaryn zerttep, sot «Dar-Stroı» JShS-yn jobalyq -smetalyq qujattamaǵa sáıkes, shatyrǵa baılanysty kelesi jumystardy: temperatýralyq tigisterdi mınmaqtamen jylytýǵa jáne metaldyq jabynqyshpen qorǵaýǵa, úıdiń tereze sýaǵary salynbaǵan barlyq terezelerine tereze sýaǵaryn ornatýǵa, kireberis edenderin tutastyrý boıynsha jumystardy sapaly oryndaýǵa jáne úıdiń tósenishteri boıynsha jumystardy qaıtadan sapaly oryndaýǵa mindettedi.

Sot sheshimi zańdy kúshine endi.