Óskemende sot ǵımaratynan bomba tabylmady

ÓSKEMEN. QazAqparat – Óskemen qalasynda polıtsııaǵa sot ǵımaratyna bomba qoıylǵandyǵy týraly habar tústi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Óskemendegi Qasym Qaısenov kóshesinde ornalasqan sot ǵımaratyna bomba qoıylǵandyǵy týraly habar jalǵan bolyp shyqty.

«Habar túse sala mamandandyrylǵan qyzmetter men polıtseıler oqıǵa ornyna shuǵyl kelip jetti. Tekserý jumystary nátıjesinde, ǵımarat ishinen qandaı da bir qaýipti zattar tabylmady. Atalǵan fakti boıynsha QR Qylmystyq Kodeksiniń 273-babyna sáıkes sotqa deıingi tergeý amaldary bastaldy. Jalǵan habar bergen adamǵa 5 jylǵa deıingi merzimge bas bostandyǵynan aıyrý túrindegi qylmystyq jaýapkershilik qarastyrylǵanyn eskertemiz», - delingen aqparatta.

Eske salsaq, búgin saǵat 18.05 shamasynda polıtsııaǵa Óskemen qalasyndaǵy sottardyń birine bomba qoıylǵandyǵy týraly habar túsken.