Óskemende soqtyǵysqan eki kólik tramvaı qozǵalysyn toqtatty
ÓSKEMEN. QazAqparat – Óskemen qalasynda soqtyǵysqan eki kólik tramvaı qozǵalysyn toqtatty, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 23 maýsymda saǵat 10:30 shamasynda Shákárim dańǵyly men Chapaev kóshesiniń qıylysynda bolǵan.
«SUBARU avtokóliginiń 72 jastaǵy júrgizýshisi janama joldan basty jolǵa shyqqan kezde Shákárim dańǵyly boıymen kele jatqan LEXUS avtokóligine jol bermegen. Jol apatynyń saldarynan dene jaraqatyn alǵan SUBARU júrgizýshisi aýrýhanaǵa jetkizildi. Atalǵan fakti boıynsha sot-medıtsınalyq saraptama taǵaıyndaldy. Sonyń nátıjelerine sáıkes protsessýaldyq sheshim qabyldanady», - delingen habarlamada.
Sondaı-aq jol-kólik oqıǵasynyń saldarynan tramvaı qozǵalysy toqtaǵan.
