Óskemende soǵys ardagerlerine 1,5 mln teńgeden beriledi

ÓSKEMEN. QazAqparat – Óskemen qalasynda Ekinshi dúnıejúzilik soǵysqa qatysqan 15 ardager qaldy. Olardyń árqaısysyna Jeńis kúnine oraı 1,5 mıllıon teńgeden beriledi, dep habarlaıdy QazAqparat tilshisi.

Qala ákimdiginiń málimetine súıensek, Óskemende Jeńis kúnine oraı birjolǵy tólem alatyn 3768 adam bar. Bul maqsatta 220 mıllıon teńgeden astam qarjy bólingen.

«Ekinshi dúnıejúzilik soǵys qatysýshylary men múgedekteriniń árqaısysyna 1,5 mln teńgeden beriledi. Búgingi tańda shaharda osyndaı 15 adam qaldy. Ardagerlerdiń jubaılary (150 adam), marapattalǵan tyl eńbekkerleri (69 adam), kontslager tutqyndary (9 adam), qorshaýda qalǵan Lenıngrad turǵyndary (5 adam) 100 myń teńgeden alady. Sondaı-aq tyl eńbekkeri mártebesin alǵan 3519 azamatqa 50 000 teńgeden beriledi», - deıdi qala ákiminiń orynbasary Irına Smıt.

Birjolǵy tólemderden basqa da áleýmettik qoldaý sharalary qarastyrylǵan. Atap aıtqanda, Shemonaıha aýdany Vydrıha aýylyndaǵy «Ýba» sanatorııinde 67 tyl eńbekkeri sanatorııalyq-kýrorttyq emdelýge jiberiledi.

Esterińizge sala ketsek, osyǵan deıin Atyraý oblysynda Ekinshi dúnıejúzilik soǵysqa qatysqan kózi tiri ardager qalmaǵanyn habarlaǵan edik.