Óskemende short-trekten QR chempıonaty bastaldy
ASTANA. QazAqparat - Óskemende short-trekten 9-13 aralyǵyndaǵy jasóspirimder jáne qyzdar arasyndaǵy Qazaqstan Respýblıkasy chempıonaty bastaldy, dep habarlaıdy QazAqparat Dene shynyqtyrý jáne sport basqarmasynyń baspasóz qyzmetine silteme jasap.
Bul synda segiz komanda sapyndaǵy 140 sportshy ózara úzdikti anyqtaýda.
Atap aıtsaq, shyǵysqazaqstandyq short-trekshilerden bólek, Astana, Almaty qalalarynan jáne Qyzylorda, Qostanaı, Batys Qazaqstan, Qaraǵandy, Ońtústik Qazaqstan oblystarynan kelip óz múmkindikterin baıqaýda. Atalmysh sporttyq is-shara oblys ortalyǵynda osymen ekinshi márte ótip otyr.
«Bul saıys Qazaqstandaǵy short-trek sportyn keńinen nasıhattap, aldaǵy iri jarystarda óńir namysyn qorǵaıtyn sportshylardy irikteý maqsatymen ótkizilýde», - dedi saıystyń bas tóreshisi Igor Kýtovoı.
Sondaı-aq, uıymdastyrýshylar bul básekeni jyl saıyn oblys ortalyǵynda ótkizýdi josparlap otyr. Qatysýshylar 500 m, 800 m, 222 m, 333 m jáne estafetalyq jarys boıynsha jeńimpazdar men júldegerlerdi anyqtamaq.
Short-trekten el chempıonaty qorytyndysynda oblys quramasy jasaqtalyp, naýryzdyń 20 men 24 aralyǵynda Astanada ótetin QR chempıonatynda óner kórsetedi.
