Óskemende sheteldik kólik úsh adamdy qaǵyp ketti
ÓSKEMEN. QazAqparat - Keshe keshke Sátpaev dańǵyly boıynda sheteldik kólik avtobýs aıaldamasyna burylyp ketip, eki zeınetker men bir er adamdy qaqty, dep habarlady QazAqparat tilshisi.
Óskemen qalalyq polıtsııasynyń málimdeýinshe, 27 jastaǵy er adam «Toyota Carina» avtokóligin basqara almaı, avtobýs aıaldamasyna shyǵyp ketken. Naýqastar jetkizilgen birinshi qalalyq aýrýhananyń travmotologııa bólimi 75 jastaǵy zeınetker ájeıdiń tize tobyǵy synǵanyn, ekinshi zeınetkerdiń sıraǵyna zaqym kelgenin habarlady.
Polıtsııa sotqa deıingi tergeý bastalǵanyn, kóliktiń arnaıy turaqta ekenin aıtty. Sonymen birge, qazir óńirde qar tolassyz jaýýda jáne kóshelerdi kóktaıǵaq basty. Qar tazalaýshy tehnıkalar táýlik boıy jumys istep jatyr jáne qalalyq ákimdik qardyń úzdiksiz tazalanyp jatqanyn atap ótti.
