Óskemende Shákárim Qudaıberdiulynyń bıýsti ashyldy

ÓSKEMEN. QazAqparat – Óskemen qalasynda Saıası qýǵyn-súrgin qurbandaryn eske alý kúnine oraı aqyn, fılosof Shákárim Qudaıberdiulynyń bıýsti ashyldy, dep habarlaıdy QazAqparat tilshisi.

Bul Óskemenge qoıylǵan Shákárimniń alǵashqy keýdemúsini. Bıýst shahardaǵy Shákárim Qudaıberdiuly atyndaǵy №1 mektep aldyna ornatyldy.

31 mamyr – Saıası qýǵyn-súrgin qurbandaryn eske alý kúninde qazaqtyń birtýar perzenti, ómiri men shyǵarmashylyǵyna Alty Alashty arqaý etken, ultyn sheksiz súıip ótken Shákárim babamyzdyń eskertkishin ashtyq. Uly dalanyń daryn ıesi urpaq esinen eshqashan sónbek emes. Osy tusta Shákárimdaı qazaqtyń dara ulyna eskertkish ornatýǵa óz úlesin qosyp, barynsha qoldaý kórsetip, barlyq jumysty jumyla atqarǵan azamattarǵa alǵysymdy bildiremin! Ulttyń uıysýy árqaısymyzǵa, árbirimizdiń nıetimiz ben talap-tilegimizge tikeleı baılanysty ekenin umytpaıyq!, - dedi mektep dırektory Ádil Saılaýbek.

Aıta keteıik, bıýsttiń ashylý saltanatynda sanıtarlyq epıdemııalogııalyq talaptar qatań saqtalǵan.

Eske sala ketsek, byltyr Shyǵys Qazaqstan oblysynda Abaıdyń Jıdebaıdaǵy mýzeı-úıiniń kireberisine Abaı men Shákárim beınelengen stella ornatyldy.