Óskemende «Sergek» kameralary bir aıda 300-den astam zańbuzýshylyq tirkedi
ÓSKEMEN. QazAqparat – Óskemen qalasynda «Sergek» kameralary bir aıdyń ishinde 300-den astam zańbuzýshylyqty anyqtaǵan, dep habarlaıdy QazAqparat.
«Kórkem Telekom» JShS málimetine súıensek, 1-30 qańtar aralyǵynda «Sergek» beınebaqylaý kameralary 345 zańbuzýshylyq tirkegen. Onyń ishinde 220-sy usaq buzaqylyq, 73-i qoǵamdyq oryndarda alkogoldi ishimdik ishý, 47-i jol-kólik oqıǵasy, 1-i – urlyq.
Aıta ketsek, búginde oblys ortalyǵynda 1700 kamera bar. Olar jol qıylystary men jekelegen aýmaqtarda, sondaı-aq saýda ortalyqtary men adam kóp shoǵyrlanatyn oryndarda ornatylǵan.
