Óskemende «Sergek» kameralary 1600-den astam quqyq buzý faktisin anyqtady
ÓSKEMEN. QazAqparat – Óskemen qalasyndaǵy «Sergek» kameralary 2020 jyldyń basynan beri 1600-den astam quqyq buzý faktilerin anyqtady, dep habarlaıdy QazAqparat tilshisi.
Búgingi tańda Óskemende 1 700 «Sergek» kamerasy jumys istep tur. Olar shahardyń ár túrli aýdandarynda ornalasqan. Kameralardyń barlyq jazbasy vedomstvoaralyq biryńǵaı sıtýatsııalyq ortalyqqa jiberiledi. Sol jerdegi quqyq qorǵaý organynyń qyzmetkerleri qaladaǵy jaǵdaıdy kózben baǵalap, tártiptiń saqtalýyn qadaǵalaıdy.
«Jyl basynan beri «Sergek» kameralarynyń arqasynda 1620 ákimshilik quqyq buzý tirkelip, 25 qylmys ashyldy. Mysaly avtokóliktiń memlekettik nómirin sheship alý faktisi anyqtalǵan. Taǵy bir jaǵdaıda, kameralardyń kómegimen urlanǵan kólik tabyldy», - dep habarlady ShQO polıtsııa departamentiniń baspasóz qyzmeti.
Sondaı-aq vedomstvo ókilderiniń málimetinshe, «Sergek» kameralary er adamdy sabap ketken buzaqyny qolǵa túsirýge kómektesken.
