Óskemende saılaýshylarǵa 1 tonnaǵa jýyq baýyrsaq taratyldy
Daýys berý ýchaskeleriniń músheleri óskemendik saılaýshylardy jyly qarsy alyp jatyr. Olarǵa tańerteńnen bir tonnaǵa jýyq baýyrsaq taratyldy. Sondaı-aq ýchaskelerde qazaq ulttyq taǵamdary qoıylǵan dastarhan jaıyldy.
«Saılaý ýchaskesine kelgenimde osyndaı tosynsyı kútip tur eken. Baýyrsaqtan dám tattyq. Dámi til úıiredi. Sodan soń daýys berip, óz tańdaýymyzdy jasadyq» – deıdi Ásel esimdi qala turǵyny.
Katonqaraǵaı aýdanyndaǵy ýchaskelerde de saılaýshylardy ystyq shaı men jyly baýyrsaqpen qarsy aldy. Úlken Naryn aýylynyń kásipkeri Aıtjamal Nurpeıisova jerlesterine óz ónimderin usyndy.
«Búgin elimiz úshin mańyzdy kún. Barlyq daýys berýshilerdi jyly qarsy alýda. Sol úshin rahmet! Respýblıkamyz órkendep, el jastary óse bersin! Men Qazaqstanymyzdyń jarqyn erteńine senemin!» - dedi jergilikti turǵyn Gúlnazı Amangýlova.
