Óskemende saıajaıdan máıiti tabylǵan áıeldi óltirdi degen kúdikti ustaldy

ÓSKEMEN. KAZINFORM – Óskemen qalasynyń irgesindegi saıajaıdan máıiti tabylǵan áıeldi óltirdi degen kúdikti ustaldy. 

ShQO Polıtsııa departamenti baspasóz qyzmetiniń málimetine súıensek, tártip saqshylary jedel-izdestirý sharalaryn júrgizý barysynda qalanyń baý-baqsha qoǵamdarynyń birinde máıiti tabylǵan áıel adamdy óltirdi degen kúdiktini ustady. Onyń óńirge basqa qaladan kelgeni anyqtaldy.

«56 jastaǵy er adam buryn sotty bolǵan. Qazirgi ýaqytta kúdikti ýaqytsha ustaý ızolıatoryna qamaýǵa alyndy. Sotqa deıingi tergeý amaldary júrgizilýde», - dep habarlady vedomstvo ókilderi.

Eske salsaq, osyǵan deıin Óskemen irgesindegi saıajaıdan áıeldiń máıiti tabylǵany habarlaǵan. 

Osydan keıin qaladaǵy saıajaılardy manıak torýyldap júrgeni jaıly jalǵan aqparat tarap ketti.