Óskemende saýda úıiniń mańynan áıeldiń máıiti tabyldy
ÓSKEMEN. KAZINFORM — Óskemen qalasynda saýda úıiniń mańynan áıel adamnyń máıiti tabyldy.
ShQO Polıtsııa departamentiniń málimetine súıensek, tártip saqshylaryna Jańa Sogra shaǵynaýdanyndaǵy Shaıahmetov kóshesinde ornalasqan saýda úıiniń mańynda belgisiz áıeldiń jansyz kúıde jatqany týraly habar túsken.
— Oqıǵa ornyna dereý jedel-tergeý toby jiberildi. Marqumnyń denesinde zorlyq-zombylyq belgileri anyqtalǵan joq. Qazirgi ýaqytta tıisti saraptamalar taǵaıyndaldy, — delingen habarlamada.
Áıeldiń naqty kóz jumý sebebi sot-medıtsınalyq saraptama qorytyndysynan keıin belgili bolmaq.
Eske salsaq, osyǵan deıin Taldyqorǵanda 56 jastaǵy er adamnyń máıiti tabylǵany habarlanǵan.
