Óskemende saýda ornynda órt shyǵyp, 70 adam evakýatsııalandy
ÓSKEMEN. QazAqparat – Óskemende turǵyn úıdiń birinshi qabatynda ornalasqan saýda ornynda órt shyǵyp, qutqarýshylar 70 adamdy evakýatsııalady, dep habarlaıdy QazAqparat tilshisi.
Qalalyq Tótenshe jaǵdaılar departamenti baspasóz qyzmetiniń málimetine súıensek, búgin túngi saǵat 03.24-te Nazarbaev dańǵylynda órt shyqqan. Oqıǵa ornyna órt sóndirýshiler kelip jetkenshe qyzyl jalyn saýda ornyndaǵy sórelerdi, taýarlar men terezelerdiń aǵash qurylymdaryn sharpyǵan. Qaýipsizdik maqsatynda kópqabatty turǵyn úıden 70 adam (46 eresek, 24 bala) shuǵyl evakýatsııalandy.
Órt sóndirýshiler jalpy aýdany 8 sharshy metrdi quraǵan tilsiz jaýdy saǵat 04.14-te aýyzdyqtady. Aldyn ala málimet boıynsha órttiń shyǵý sebebi – tońazytqyshtyń apattyq rejımde qosylýynan bolýy múmkin.
Osy rette, Óskemen qalasynyń Tótenshe jaǵdaılar basqarmasynyń mamandary kásipkerlerden óz obektilerinde órt qaýipsizdigi erejelerin qatań saqtaýdy suraıdy
