Óskemende satýshysy joq erekshe dúken ashyldy
ASTANA. QazAqparat -Eń qyzyǵy, tutynýshylar satýshysy joq sórelerden ózine kerekti zattaryn satyp alyp, aqshasyn qasynda turǵan arnaıy qorapqa salyp ketedi, dep habarlaıdy Altaınıýs.
Eger aqshasy taýar baǵasynan artyq bolsa, qaıtarymyn sol qoraptan ala alady. Ár zattyń baǵasy ózinde kórsetilip jazylǵan.
«Bul arqyly biz ár bir adamnyń boıynda sybaılas jemqorlyqqa qarsy ishki mádenıetin qalyptastyrǵymyz keledi. Sebebi, kóp rette adamdar meni kameradan kórip tur jáne basqalar qarap tur dep, ózin durys ustaýǵa tyrysady. Al bul bastamada eshkim qarap turmaǵan jerde de, adamdardyń ishki mádenıettiligin anyqtaýǵa bolady. Atalǵan bastamany búgingi Tuńǵysh Prezıdent kúnine jáne 9 jeltoqsan - halyqaralyq jemqorlyqpen kúres kúnine oraı qolǵa aldyq», - deıdi Memlekettik qyzmet isteri jáne sybaılas jemqorlyqqa qarsy is-qımyl agenttiginiń ShQO boıynsha departamenti basshysy, ádep jónindegi keńes tóraıymy Janna Qabdoldaqyzy.
Aıta keterligi, departamenttiń bastamasyn óńirdegi JOO men kolledjder, mektepter qyzý qoldaýda. Joba arqyly kez-kelgen kásipker óz ónimin saýdaǵa shyǵara alady.
