Óskemende samokat júrgizýshileri jasaǵan quqyq buzýshylyqtar sany artyp keledi
ÓSKEMEN. KAZINFORM — Óskemen qalasynda bıyl samokat júrgizýshileri jasaǵan quqyq buzýshylyqtar sany birshama artyp otyr.
ShQO Polıtsııa departamentiniń málimetinshe, kıksherıng qyzmetin paıdalanýshylardyń basym bóligi jol qozǵalysy erejelerin saqtamaıdy.
— Jyl basynan beri polıtsııa qyzmetkerleri elektr samokat paıdalanýshylary tarapynan jol qozǵalysy erejelerin buzýdyń 90-nan astam faktisin anyqtady. Salystyrar bolsaq, 2025 jyldyń osy kezeńinde mundaı 80 quqyq buzýshylyq tirkelgen bolatyn. Eń jıi kezdesetin zań buzýshylyqtar qatarynda jaıaý júrginshiler ótkelinen samokattan túspeı ótý, samokatpen jolaýshy tasymaldaý jáne joldyń júris bóliginde qozǵalý qaǵıdalaryn buzý bar, — delingen aqparatta.
Tártip saqshylary samokat júrgizýshilerine baqylaý júrgizý úshin jedel-aldyn alý is-sharalaryn júrgizip keledi. Ásirese turǵyndar kóp jınalatyn oryndarǵa, saıabaqtarǵa, skverlerge, jaǵalaýlarǵa jáne kópqabatty úılerdiń aýlalaryna erekshe nazar aýdarylǵan.
Eske salsaq, osyǵan deıin elordada 200-ge jýyq samokat paıdalanýshysy jaýapkershilikke tartylǵany habarlanǵan.
