Óskemende salynyp jatqan Tennıs ortalyǵy jeltoqsanda ashylmaq
Aımaq basshysy Danıal Ahmetov Jibek matalar kombınaty yqshamaýdanynda boı kóteretin Tennıs ortalyǵynyń qurylys jumystarymen tanysty.
«Tórt qabatty ǵımaratta 58 oıyn ústeli bolady. Zaldardaǵy tóbelerdiń bıiktigi segiz metrdi quraıdy, bul álemdik standarttarǵa tolyq saı. Ǵımaratta tek balalar men eresekter ǵana emes, osy sport túrine qumar erekshe qajettilikteri bar adamdar da aınalysa alady. Munda jalpy sany 262 kórermen syıady», - dedi oblys ákimi.
Onyń aıtýynsha, ortalyqta medıtsınalyq dıspanser jumys isteıdi. Onda kásibı sportshylar jarystardan alǵan jaraqattardan keıin qalypqa kele alady.
«Búginde negizgi josparymyz – kún sýymaı turyp shatyrdy jaýyp, qabyrǵa panelderi men terezelerdi ornatyp, ǵımarat ishindegi árleý jumystaryna kóshý. Qurylys jumystary jeltoqsan aıynda aıaqtalyp, jańa Tennıs ortalyǵy shyǵysqazaqstandyqtarǵa esigin aıqara ashady», - dedi Danıal Ahmetov.
