Óskemende salynatyn Gematologııa ortalyǵy halyqaralyq standarttarǵa saı bolady
ÓSKEMEN. QazAqparat – Óskemen qalasynda salynyp jatqan Gematologııa ortalyǵy halyqaralyq standarttarǵa saı bolady, dep habarlaıdy QazAqparat tilshisi.
Bul jaıly oblystyq máslıhattyń kezekti sessııasynda depýtattarǵa aımaqtyń áleýmettik-ekonomıkalyq damýy jóninde esep bergen ShQO ákimi Danıal Ahmetov aıtty.
«Búgingi tańdaǵy mańyzdy máselelerdiń biri – óńirdegi epıdemıologııalyq ahýal. Koronavırýsqa qatysty jaǵdaıdy turaqty baqylap otyrǵanymyzben, áli de kúrdeli. Oblys qazir «qyzyl» aımaqta tur. Jalpy óńir boıynsha 39 ınfektsııalyq statsıonar jumys isteýde. Biz taǵy 8 100 tósek-oryn ázirleýge daıynbyz», - dedi aımaq basshysy.
Onyń aıtýynsha, halyqqa josparly túrde tıimdiligi joǵary medıtsınalyq qyzmet kórsetý úshin birqatar mańyzdy jumystar atqarylýda.
«Semeıde balalardy ońaltý ortalyǵynyń qurylysy bastaldy. Óskemende gematologııalyq ortalyq salynyp jatyr. Halyqaralyq standarttarǵa saı bolatyn ortalyqta mamandar qan aýrýlaryn emdep qana qoımaı, ǵylymı-zertteý jumystaryn júrgizetin bolady», - dedi Danıal Ahmetov.
