Óskemende Saǵadat Nurmaǵambetov atyndaǵy saıabaq ashylady
ÓSKEMEN. QazAqparat – Óskemen qalasynda táýelsiz Qazaqstannyń tuńǵysh qorǵanys mınıstri Saǵadat Nurmaǵambetov atyndaǵy saıabaq ashylady, dep habarlaıdy QazAqparat tilshisi.
ShQO ákimdiginiń málimetine súıensek, bıyl Osınov asýyn aınalyp ótetin jol qurylysynyń 32 shaqyrymy tolyqtaı aıaqtalady. Bul Altaı, Katonqaraǵaı aýdandarynda jáne Buqtyrma sý qoımasynyń jaǵalaýynda týrızmdi damytýǵa zor múmkindik bermek.
«Óskemende halyqaralyq standarttarǵa saı Gematologııa ortalyǵynyń qurylysy jáne sheberhanalar, stýdııalar, zerthanalar men murajaılar ornalasatyn «Zerde» ǵylymı-tanymdyq ortalyǵynyń jobasyn ázirleý sııaqty birqatar iri áleýmettik jobalar iske asyrylýda. Qurylysy uzaqqa sozylǵan metallýrgııa jáne avtomobıl ónerkásibi úshin kadrlar daıarlaý respýblıkalyq ortalyǵynyń ornynda bıologııa men matematıkadan daryndy balalarǵa arnalǵan 150 oryndyq ınternaty bar 880 oryndyq mektep-ınternat ashylady», - dedi aımaq basshysy Danıal Ahmetov.
Sondaı-aq qalada 9 mamyrda Saǵadat Nurmaǵambetov atyndaǵy saıabaq ashylady. Aýyl sharýashylyǵy ónimderin jáne basqa da taýarlardy deldalsyz satýǵa múmkindik beretin «Altaı» kóterme-taratý ortalyǵy da salynýda.
