Óskemende reıstegi avtobýstar sany artty
ÓSKEMEN. QazAqparat – Óskemen qalasynda karantın shekteýleri jeńildetilgennen keıin reıstegi avtobýstar sany arttyrylýda, dep habarlaıdy QazAqparat tilshisi.
Bul jaıly qalalyq turǵyn úı-kommýnaldyq sharýashylyq bóliminiń baspasóz qyzmeti málim etti.
«19 tamyz kúni shahar boıynsha reıstegi qoǵamdyq kólikterdiń sany 220-ǵa jetti. Al karantın shekteýleri kezinde 200 avtobýs qatynaǵan bolatyn. Búginde avtobýstar bekitilgen reıster boıynsha saǵat 20.30-21.00-ge deıin jolaýshylardy tasymaldaýda. Aldaǵy ýaqytta qoǵamdyq kólikterdiń sany birtindep arttyrylatyn bolady», - delingen málimette.
Aıta keteıik, 2020 jyldyń qazan aıyna deıin Óskemendegi qoǵamdyq kólikterde dıspetcherlik aqparattyq modýldiń kómegimen jolaqy tóleýdi avtomattandyrý josparlanyp otyr.
