Óskemende poıyz ben avtobýs soqtyǵysa jazdady

ÓSKEMEN. KAZINFORM – Óskemen qalasynda polıtseıler men turǵyndar poıyz relsinde turyp qalǵan avtobýsty shyǵaryp úlgerdi.

Oqıǵa qaladaǵy temirjol ótkelderiniń birinde boldy. Jolaýshylar mingen avtobýs relstiń ústinde turyp qalǵan. Alystan kele jatqan poıyz da kórindi. 

Sol kezde tártip saqshylary Tımýr Ábdirahmanov pen Radjan Bazarbekuly dereý kómekke umtylǵan. Mańaıdaǵy halyq ta qarap qalmady. 

- Polıtseıler men turǵyndar avtobýsty tezirek relsten shyǵarýǵa tyrysty. Olar ár sekýndtyń mańyzdy ekenin túsinip, jedel áreket etti. Osylaısha, apattyń aldyn alyp, poıyz jaqyndaǵannan birneshe mınýt buryn avtobýs relsten shyǵaryldy, - dep habarlady ShQO Polıtsııa departamentinen. 

Eske salsaq, buǵan deıin Qaraǵandyda trotýarda ketip bara jatqan eki adamdy kólik qaǵyp ketkeni habarlanǵan.