Óskemende pornografııa túsirgen qylmystyq toptyń 14 múshesi sottaldy
ÓSKEMEN. KAZINFORM — Óskemende pornografııa túsirgeni jáne taratqany úshin uıymdasqan qylmystyq toptyń 14 múshesine sot úkimi shyqty.
Qalalyq qylmystyq ister jónindegi mamandandyrylǵan aýdanaralyq sotynda pornografııalyq materıaldardy daıyndaý jáne taratý faktisi boıynsha qylmystyq isti qaraý aıaqtaldy. Bul týraly ShQO prokýratýrasynan málim etti.
— Tergeý barysynda 2018 jyldan 2024 jylǵa deıin uıymdasqan qylmystyq toptyń 14 múshesi eldiń birneshe aýmaǵynda zańsyz áreket ete otyryp, turaqty tabys tapqandary anyqtaldy. Memlekettik aıyptaý sotqa sottalýshylardyń aıyptalǵan qylmystarǵa qatysy bar ekendigi týraly bultartpas dálelder usyndy, — delingen aqparatta.
Sot sheshimimen bir adamǵa 5 jyl bas bostandyǵynan aıyrý, on bir adamǵa 3 jyldan, taǵy eki adamǵa tıisinshe 2 jyl 6 aı jáne 2 jyl 8 aı bas bostandyǵynan aıyrý jazasy taǵaıyndaldy.
Kámeletke tolmaǵan balalary bar úsh aıyptalýshyǵa Qylmystyq Kodekstiń 74-baby negizinde jazany óteý 5 jylǵa keıinge qaldyryldy. Qalǵan sottalýshylar óz jazalaryn qylmystyq-atqarý júıesiniń qaýipsizdigi ortasha túzeý mekemelerinde óteıdi. Úkim áli zańdy kúshine engen joq.
Eske salsaq, osyǵan deıin Qazaqstanda fılmder prokatqa shyǵar aldynda pornografııa men tyıym salynǵan kontentke tekseriletindigi habarlanǵan.
