Óskemende polıtseıler avtobýsqa jasyryn kamera qoıyp, patrýldeı bastady
ÓSKEMEN. KAZINFORM — Óskemen qalasynda tártip saqshylary joldardy qyzmettik emes kólikpen jasyryn kamera arqyly patrýldeı bastaǵan bolatyn. Endi kamera avtobýsqa da qoıyldy.
Búgin áleýmettik jelide óskemendik polıtseılerdiń avtobýsqa jasyryn kamera qoıyp, jol erejesin buzǵandardy anyqtaı bastaǵany jaıly vıdeo tarap ketti.
Bunyń aq-qarasyn qalalyq Polıtsııa basqarmasynyń bastyǵy orynbasarynyń mindetin atqarýshy, polıtsııa maıory Erkin Sattybaevtan surap kórdik.
— Bul ras aqparat. Qazirgi ýaqytta jyldamdyqty ruqsat etilgen shekten asyrý faktilerin anyqtaýǵa arnalǵan bir jyljymaly jasyryn patrýldik júıe testilik rejımde avtobýsqa ornatyldy. Ol qalalyq marshrýtta qatynaıtyn qoǵamdyq kólik, — dep jaýap berdi ol.
Eske salsaq, osyǵan deıin Óskemende polıtseıler qyzmettik emes kólikpen jasyryn kamera arqyly patrýldep jatqany jaıly jazǵanbyz.