Óskemende polıtseıdi óltirgen er adam ustaldy
ÓSKEMEN. KAZINFORM — Óskemen qalasynda polıtsııa qyzmetkerin óltirip ketti.
ShQO Polıtsııa departamenti baspasóz qyzmetiniń málimetine súıensek, oqıǵa 4 qazanǵa qaraǵan túni Óskemen qalasyndaǵy dámhanalardyń birinde bolǵan.
— Dámhanaǵa kelýshilerdiń biri ózin durys ustamaǵany úshin eskertý jasaǵan 40 jastaǵy jergilikti turǵynǵa dene jaraqatyn keltirgen. Alǵan jaraqattarynyń saldarynan ol qaıtys boldy. Kúdiktiniń áreketinen taǵy bir azamat zardap shekti, — delingen aqparatta.
Atalǵan fakti boıynsha qylmystyq is qozǵaldy. Kúdikti ustalyp, ýaqytsha ustaý ızolıatoryna qamaldy.
— Qaza bolǵan azamat polıtsııa qyzmetkeri bolǵan. Oqıǵa kezinde ol qyzmette bolmaǵan. Tergeý amaldary jalǵasyp jatyr. Tergeý múddesine sáıkes ózge aqparat jarııalanbaıdy, — dep habarlady vedomstvo ókilderi.
Eske salsaq, osyǵan deıin Óskemende iri kólemde psıhotroptyq zattar saýdalaǵan eki adam ustalǵany habarlanǵan.
