Óskemende polıtseıler tótenshe jaǵdaı rejımin buzýshylarǵa qarsy reıd júrgizdi
ÓSKEMEN. QazAqparat – Óskemen qalasynda Tótenshe jaǵdaı rejımin buzǵandardyń isi sotqa joldandy, dep habarlady QazAqparat tilshisi.
Óskemendik tártip saqshylary arnaıy reıd júrgizip, dúıim jurtty tótenshe jaǵdaı kezindegi tártipti buzbaýǵa shaqyrdy. Reıd barysynda polıtseıler turǵyndardyń dene qyzýyn ólshep, mekenjaıǵa baılanysty berilgen ruqsattamalardy tekserdi.
«Kámelettik jasqa tolmaǵan jasóspirimderdiń ata-anasymen birge syrtqa shyǵýyna ruqsat etiledi. Al 65 jastan asqan zeınetkerlerge úıden shyǵýǵa tyıym salynǵan. Ókinishke qaraı, turǵyndardyń 15%-y Tótenshe jaǵdaı rejımin buzýda. Bul negizinen 20-50 jas aralyǵyndaǵy azamattar. Zańbuzýshylyqqa jol bergenderdiń isi QR QK-niń 476-baby boıynsha sotqa joldandy», - deıdi Óskemen qalalyq Polıtsııa basqarmasy bastyǵynyń birinshi orynbasary Jandarbek Ahmetjanov.
