Óskemende polıtseıler oıyn-saýyq oryndarynda kezekshilik etedi
ÓSKEMEN. QazAqparat – Óskemen qalasynda polıtsııa qyzmetkerleri oıyn-saýyq oryndarynda kezekshilik etedi, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, kezekshilik 5 tamyzdan bastaldy.
«Koronavırýs ınfektsııasy taralýynyń kúrt ósýine baılanysty adam kóp jınalatyn mekemelerdiń mańynda tártip saqshylary kezekshilik etetin bolady. Ókinishke qaraı, turǵyndardyń basym bóligi sanıtarlyq epıdemıologoıalyq dáriger qaýlysynyń talaptaryn elemeı jatyr. Osynyń saldarynan vırýs juqtyrǵandar sany artyp keledi», - delingen aqparatta.
Vedomstvo ókilderiniń habarlaýynsha, polıtsııa qyzmetkerleri shahardaǵy barlyq iri oıyn-saýyq oryndarynyń janynda kezekshilik etedi.
