Óskemende polıtseıler KamAZ-dyń mas júrgizýshisin qýyp júrip ustady
ÓSKEMEN. QazAqparat – ShQO polıtseıleri KamAZ-dyń mas júrgizýshisin qýyp júrip qolǵa túsirdi, dep habarlaıdy QazAqparat Polisia.kz-ke silteme jasap.
Avtokólik júrgizýshisi polıtsııa qyzmetkerleriniń zańdy talaptaryna jaýap bermegen. Ol az bolǵandaı, júrgizýshi artynan qýǵan patrýl mashınasyn qaǵyp, qıratyp ketpek boldy. Aqyr sońynda tártip saqshylary júk mashınasyn toqtatyp, kólikti tastaı qashqan júrgizýshini ustady.
Bólimshede polıtsııa qyzmetkerleri 20 jastaǵy jigittiń mas bolǵanyn anyqtady. Salonda olarmen birge eki jolaýshy bolǵan. Bireýi –qurdasy, ekinshisi – 16 jastaǵy qyz. Qyzyn túnde jalǵyz jiberip qoıǵany úshin tártip saqshylary ata-anasynyń atyna ákimshilik hattama jasady. Al júrgizýshige qatysty bılik ókiline baǵynbaǵany úshin sotqa deıingi tergeý júrgizilýde.
