15:10, 01 Sáýir 2024 | GMT +6
Óskemende pesh murjasynyń ýaqtyly tazalanbaýynan eki jasóspirimge ıis tıdi
ÓSKEMEN. KAZINFORM – Óskemen qalasynda pesh murjasynyń ýaqytyly tazalanbaýy saldarynan ıis tıgen eki jasóspirim aýrýhanaǵa tústi.
ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 1 sáýirde Óskemendegi Shyǵys kentinde bolǵan.
«Jeke turǵyn úıde qatty otynmen jylytylatyn peshti paıdalaný erejeleriniń buzylýynan, naqty aıtqanda, murjanyń ýaqytyly tazalanbaýynan 16 jáne 15 jastaǵy eki jasóspirimge ıis tıdi. Olar shuǵyl túrde aýrýhanaǵa jetkizildi. Qazirgi ýaqytta olar dárigerlerdiń baqylaýynda», - dep habarlady vedomstvo ókilderi.
Osy rette, qutqarýshylar turǵyndardan peshti paıdalaný kezinde órt qaýipsizdigi erejelerin qatań saqtaýdy suraıdy.
