Óskemende perzenthanada áıel men náreste kóz jumdy
ÓSKEMEN. QazAqparat – Óskemen qalasynda perzenthanada áıel men náreste kóz jumdy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, qazan aıynyń ortasynda Ana men bala ortalyǵynda áıel men náreste kóz jumdy. Qazirgi ýaqytta polıtsııa qyzmetkerleri atalǵan fakti boıynsha tergeý amaldaryn júrgizip jatyr.
«Ortalyq qyzmetkerlerine qatysty abaısyzda adam ólimine ákep soqqan kásibı mindetterin tıisinshe oryndamaý faktisi boıynsha qylmystyq is qozǵaldy. Sot-medıtsınalyq saraptamalar taǵaıyndalǵan. Qylmystyq is júrgizý kodeksiniń 201-baby 1-bóligine sáıkes basqa aqparattar jarııa etilmeıdi. Sotqa deıingi tergeý amaldary jalǵasýda», - dep habarlady vedomstvo ókilderi.
Sondaı-aq aldaǵy ýaqytta polıtseıler atalǵan mekemege jospardan tys tekserý ótkizýdi josparlap otyr.
