Óskemende páterden 19 mln teńgeniń múlkin urlaǵan úsh adam ustaldy
ÓSKEMEN. QazAqparat – Óskemen qalasynda páterden 19 mln teńgeniń múlkin urlaǵan úsh adam ustaldy, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, tártip saqshylaryna habarlasqan turǵyn páterin belgisiz bireýlerdiń tonap ketkenin jetkizdi.
Esikti buzyp ishke kirgen olar 19 mln teńgeniń múlkin urlap ketken.
«Atalǵan fakti boıynsha dereý QR QK-niń 188-baby 4-bóligine sáıkes (asa iri kólemde jasalǵan urlyq) tergeý amaldary bastaldy. Іzdestirý sharalary barysynda 3 kúdikti ustaldy. Olardyń biri Jarma aýdany Jańaózen aýylynyń 47 jastaǵy turǵyny bolsa, 36 jastaǵy ekeýi - Óskemen turǵyny. Er adamdar óz kinásin tolyq moıyndap otyr», - dedi basqarma bastyǵy Andreı Mýla.
Tergeý barysynda kúdiktilerdiń biriniń saıajaıynda zańsyz saqtalǵan qarý anyqtaldy.
Tintý júrgizgen polıtseıler 9 mm kalıbrli tapansha men úsh oq tapqan. Zaýyttyq ádispen jasalǵan qarý atýǵa jaramdy.
Qazirgi ýaqytta sotqa deıingi tergeý amaldary jalǵasyp jatyr.
