Óskemende Panton kópirindegi jóndeý jumystarynan halyq uzyn-sonar kepteliste turýǵa májbúr

ÓSKEMEN. KAZINFORM — Óskemendegi Ertis arqyly ótetin eki kópirdiń biri jarty jyldan beri jartylaı jabyq tur. 

Qalada Ertis ózeni arqyly ótetin eki kópirdiń biri — Ponton kópiriniń uzaqqa sozylǵan jóndeý jumystary tezdetilmek. Birneshe aıdan beri kópirdiń jartylaı jabyq turýy saldarynan turǵyndar uzyn-sonar kepteliste turyp keledi. Al ekinshi kópir — Ertis kópirinen qatynaıtyn kólik sany birneshe esege artqan.

Ponton kópirindegi jumystardy jeltoqsan aıynyń ortasyna deıin aıaqtaý josparlanǵan bolatyn. Biraq qarjylandyrýdyń kesheýildeýine jáne ınjenerlik ınfraqurylymnyń erekshelikterine baılanysty bul merzim sozyldy. Kópirdiń astynan eki magıstraldi jylý qubyry ótedi. Onyń bireýine demontaj jasalsa, ekinshisinde apat qaýpi týyndaıdy. Tyǵyzdyq buzylsa qystyń ortasynda qala sýsyz, jylýsyz qalýy múmkin edi.

— Sondyqtan jumys ýaqytsha toqtatyldy. Jylytý maýsymynda qysymnyń barlyǵyn bir qubyrǵa aýystyrsa, ol qubyr jarylyp ketý qaýpi týady. Endi qubyrlardy kezeń-kezeńimen aýystyramyz. Bul bir aıǵa jýyq ýaqyt alady. Merdigerler barlyǵyn 1-10 mamyr aralyǵynda aıaqtaýǵa ýáde berip otyr, — dedi qala ákimi Almat Aqyshov.

Eske salsaq, buǵan deıin Óskemende Ertis arqyly ótetin jańa kópirdiń jobasy jasalyp jatqany jaıly jazǵanbyz.