Óskemende ózin ákimdik qyzmetkeri retinde tanystyryp, halyqty aldaǵan alaıaq sottaldy

ÓSKEMEN. KAZINFORM – Óskemen qalasynda ákimdik qyzmetkeri retinde tanystyryp, halyqty aldap kelgen alaıaqqa sot úkimi shyqty.

Qalalyq №2 sotta QR Qylmystyq Kodeksiniń 190-baby (Birneshe ret jasalǵan asa iri kólemdegi alaıaqtyq) boıynsha qylmystyq is qaraldy.

Aıyptalýshy ózin ákimdik qyzmetkeri retinde tanystyryp, áleýmettik osal sanattaǵy azamattarǵa úı alý úshin kezekke turýǵa kómektesetindigin aıtqan. Suraǵan aqshasy qolyna tıgen soń habar-osharsyz ketip otyrdy. Alaıaqtyń aılasyna túsken halyqqa 6 008 000 teńge kóleminde materıaldyq zalal keltirilgen.

- Sot barysynda er adam óz kinásin tolyqtaı moıyndap, istegen isine ókinetindigin jetkizdi. Osyny eskergen sot aıyptalýshyǵa 3 jylǵa bas bostandyǵynan shekteý jazasyn taǵaıyndady, - dep habarlady sottyń baspasóz qyzmetinen.

Úkim áli zańdy kúshine engen joq.

Eske salsaq, buǵan deıin Semeıde mektep oqýshysyn soqqyǵa jyqqan jetkinshekterdiń ata-analaryna qatysty sot sheshimi shyqqany habarlanǵan.