Óskemende ózende muz keptelip, 20 saıajaıdyń aýlasyn sý basty

ÓSKEMEN. KAZINFORM – Óskemen qalasyndaǵy Ablaketka ózende muz keptelip, saıajaılardyń aýlasyn sý basty.

13 naýryzda qardyń qarqyndy erýi jáne Ablaketka ózenindegi sý deńgeıiniń kóterilýi saldarynan 20 saıajaıdyń aýlasy sý astynda qaldy.

ShQO Tótenshe jaǵdaılar departamenti baspasóz qyzmetiniń málimetine súıensek, qazirgi ýaqytta bul saıajaılarda eshkim turmaıdy. Úılerge halyq tek jazda keledi.

«Jergilikti atqarýshy organdardyń kúshimen kópir astyndaǵy ózen sýyn jiberý úshin muzdy usaqtaý jumystary júrgizildi. Sonyń nátıjesinde sý deńgeıi 15-20 sm-ge tómendedi», - delingen aqparatta.

Qutqarýshylar sol jerge kelip jetip, jaǵdaıǵa monıtorıng júrgizip jatyr.