Óskemende ózen boıymen tramvaı júre bastady
ÓSKEMEN. QazAqparat - Búginnen bastap Óskemendegi Ertis ózeni boıymen tramvaı júre bastady, dep habarlaıdy QazAqparat qala ákimdigine silteme jasap.
Jobany qala ákimdigi men «BelAleks» kompanııasy birlesip júzege asyrǵan. Tramvaı kún saıyn ózen vokzalynan tańǵy 9:00 ben 21:00 aralyǵynda jolǵa shyǵady.
«Bul qyzmet túrin óskemendikter umyta bastaǵan edi. Osydan 30 jyldaı ýaqyt buryn Ertiste tramvaı júrmeı qalǵan bolatyn. Ol kezde halyq ózen tramvaıymen jıi saıahattap, dittegen jerine jetetin. Endi mine, erekshe kólik qaıtadan jolǵa shyqty», - dep eske alady kompanııa basshysy Oleg Belov.
Ákimdiktiń habarlaýynsha, tramvaı qozǵalysy eki baǵdar boıynsha júrgiziledi. Birinshisi - Ertis boıymen úzdiksiz serýendep, vokzalǵa qaıta oralý. Ol bir saǵatqa sozylady.
Al ekinshi baǵyt boıynsha jolaýshylar «Samal» saıabaǵynda aıaldap, sosyn ózen vokzalyna qaıta oralady.
Foto: yk-news.kz
