Óskemende oıynshyq tapanshamen dúken tonamaq bolǵan adam ustaldy
ÓSKEMEN. QazAqparat – Óskemen qalasynyń polıtseıleri dúken satýshysyna oıynshyq tapansha kezegen er adamdy ustady, dep habarlaıdy QazAqparat.
«10 qańtar kúni saǵat 15.35-te «102» arnasyna qońyraý shalǵan satýshy medıtsınalyq maska kıgen belgisiz bireýdiń ózin tapanshaǵa uqsaıtyn zatpen qorqytyp, bir bótelke araq suraǵanyn aıtty. Áıel adam qorǵaný maqsatynda onyń betine gaz ballon shashyp jibergen. Mundaıdy kútpegen tonaýshy sol jerden qashyp ketken» – dep habarlady Óskemen qalalyq Polıtsııa basqarmasynyń baspasóz qyzmeti.
Jedel áreket etken tártip saqshylary kóp uzamaı kúdiktini qolǵa túsirdi. Buryn sotty bolǵan Óskemen qalasynyń 25 jastaǵy turǵyny óz kinásin moıyndady.
«Onyń dúken satýshysyna kezegen tapanshasy oıynshyq bolyp shyqty. Qazirgi ýaqytta QR QK-niń 191-baby (tonaý) boıynsha tergeý amaldary júrgizilýde» – delingen málimette.
Talǵatjan Muhametbekuly
