Óskemende otqa oranǵan úıden múgedek áıel qutqaryldy
ÓSKEMEN. QazAqparat – Óskemen qalasynda órt shyqqan jer úıden múgedek áıel qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qyzyl jalyn Dmıtrov kóshesinde shyqqan. Muny baıqap qalǵan kórshilerdiń biri shuǵyl órt sóndirýshilerge qońyraý shalǵan.
«Oqıǵa ornyna kelgen qutqarýshylar janyp jatqan úıge kirip, múgedek áıeldi syrtqa alyp shyqty. Birden ol jedel járdem dárigerlerine tapsyryldy», - delingen habarlamada.
Kóp uzamaı órt sóndirýshiler jalpy aýmaǵy 90 sharshy metrdi sharpyǵan jalyndy aýyzdyqtady. Osylaısha, úıge japsarlaı salynǵan sharýashylyq qora-jaılarǵa ottyń taralýyna jol berilmedi.
Aldyn ala málimet boıynsha órttiń shyǵýyna – elektr jabdyqtaryn montajdaý jáne paıdalaný kezinde órt qaýipsizdigi talaptaryn saqtamaý sebep bolýy múmkin.
Osy rette, TJD mamandary elektr aspaptary men elektr symdaryn jaramdy kúıde ustap, elektr jelilerin shamadan tys júktemeý kerektigi týraly eske salady. Sondaı-aq órt shyqqan jaǵdaıda dereý «101» nemese «112»telefondaryna habarlasý qajet.
