Óskemende otqa oranǵan úıden er adamnyń máıiti tabyldy

ÓSKEMEN. QazAqparat – Óskemen qalasynda órtengen úıden er adamnyń máıiti tabyldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, Óskemendegi Dostoevskıı kóshesinde ornalasqan ekiqabatty jeke turǵyn úıde órt shyqqan. Habar túse salysymen qutqarýshylar oqıǵa ornyna attandy.

«Qyzyl jalyn edenniń aǵash qurylymdary men jeke zattardy sharpyǵan. Órttiń jalpy alańy 25 sharshy metrdi qurady. Barlaý barysynda órt sóndirýshiler denesin kúıik shalǵan er adamnyń máıitin tapty», - delingen aqparatta.

Er adamnyń kim ekendigi áli anyqtalmady. Jasy 45-50 shamasynda. Aldyn ala boljam boıynsha ottyń shyǵýyna – temeki shegý kezindegi abaısyzdyq sebep bolǵan.