Óskemende órtten denesin kúıik shalǵan áıel jansaqtaý bólimine jatqyzyldy
ÓSKEMEN. QazAqparat – Óskemen qalasynda órtten denesin kúıik shalǵan áıel jansaqtaý bólimine jatqyzyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 5 tamyzda túngi saǵat 03.00 shamasynda Óskemendegi Petropavl kóshesinde ornalasqan jer úıde órt shyqqan. Oqıǵa ornyna qutqarýshylar kelip jetkende qyzyl jalyn úıdiń shatyryn sharpyp jatty. 3 adam óz betterimen syrtqa shyǵyp úlgergen.
«Tilsiz jaýdyń jalpy aýdany 80 sharshy metrdi qurady. Órtti aýyzdyqtaýǵa jeke quramnan 18 adam men 5 tehnıka jumyldyryldy. Úı ıesiniń denesin kúıik shalǵan. Qazirgi ýaqytta áıel aýrýhananyń jansaqtaý bólimine jatqyzyldy», - delingen aqparatta.
Aldyn ala málimet boıynsha ottyń shyǵýyna – elektr jabdyqtaryn montajdaý jáne paıdalaný kezinde qaýipsizdik talaptaryn saqtamaý sebep bolýy múmkin.
