Óskemende órtten áıel men bala kóz jumdy
ÓSKEMEN. QazAqparat – Óskemende kópqabatty úıden órt shyǵyp, 2 adam mert boldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 16 jeltoqsan kúni saǵat 14.31-de Gastello kóshesindegi kópqabatty úıde órt shyqqan. Oqıǵa ornyna kelip jetken órt sóndirýshiler birden tilsiz jaýdy aýyzdyqtaýǵa kiristi.
«Jalyn lezde turǵyn úıdiń aǵash shatyryna tarap ketken. Jalpy aýmaǵy 432 sharshy metrdi quraǵan ot saǵat 16.26-da óshirildi. Turǵyndar úıinen ózderi shyǵyp úlgergen. 1966 jáne 1959 jyly týǵan eki áıel men 12 jasar bala aýrýhanaǵa jetkizildi. Tilsiz jaý aýyzdyqtalǵannan keıin eki adamnyń máıiti tabylǵan: 1974 jyly týǵan áıel men onyń 2011 jyly týǵan qyzy», - dep habarlady vedomstvo ókilderi.
Aıta keteıik, órtti sóndirýge jeke quramnan 40 adam men 12 tehnıka jumyldyryldy.
