Óskemende órtte eki adam kóz jumdy
ASTANA. 13 aqpan. QazAqparat - 12 aqpan kúni tańerteńgi saǵat 10.30-da Shyǵys Qazaqstan oblysy Óskemen qalasynyń Krıvonosov kóshesinde ornalasqan jekemenshik turǵyn úıden órt shyqty.
Bul týraly QR TJM-nyń baspasóz qyzmetinen habarlady.
Órt saǵat 12-den 12 mınýt ketkende sóndirildi. Jalyndy aýyzdyqtaýǵa QR TJM Shyǵys Qazaqstan oblysy boıynsha TJD órtke qarsy qyzmetiniń jeke quramynyń 14 adamy men 2 tehnıkasy jumyldyryldy.
Jalyn sharpyǵan aýmaq 4 sharshy metrdi qurady. Órttiń saldarynan 49 jastaǵy er adam men 70 jastaǵy áıel qaza boldy.
