Óskemende órtengen jer úıden er adamnyń denesi tabyldy

ÓSKEMEN. KAZINFORM – Óskemen qalasynda otqa oranǵan jer úıden er adamnyń máıiti tabyldy.

ShQO tótenshe jaǵdaılar departamenti baspasóz qyzmetiniń málimetine súıensek, órt qaladaǵy Chernıahovskıı kóshesindegi úıden shyqqan.

- Oqıǵa ornyna qutqarýshylar shuǵyl kelip jetti. Jer úıdegi bólmelerdiń birinen 1970 jylǵy er adamnyń denesi tabyldy. Kóp uzamaı qyzyl jalyn tolyqtaı aýyzdyqtaldy, - dep habarlady vedomstvo ókilderi.

Órttiń jalpy aýmaǵy 44 sharshy metr. Ázirge ottyń naqty neden shyqqany belgisiz. Qazirgi ýaqytta oqıǵanyń mán-jaıy anyqtalyp jatyr.

Osy rette, qutqarýshylar óńir jurtshylyǵyna úıde órt qaýipsizdigi talaptaryn qatań saqtaýǵa shaqyrdy.

Eske salsaq, osyǵan deıin TJM qutqarýshylary ormandy alapat órtten qorǵap qalǵany habarlanǵan.