Óskemende órtengen vagon ishinen er adamnyń máıiti tabyldy
ÓSKEMEN. QazAqparat – Óskemen qalasynda temir vagon ishinde órt shyǵyp, 1 adam kóz jumdy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, búgin tańǵy saǵat 04.00 shamasynda «Tıtan» saıajaı qaýymdastyǵy aýmaǵynda órt bolǵan. Anyqtalǵandaı, vagon ishinde jıhaz ben jeke zattardy jalyn sharpyǵan.
Tilsiz jaýdy aýyzdyqtaý barysynda órt sóndirýshiler 1980 jylǵy er adamnyń kúıgen denesin tapty.
«Jalpy aýdany 6 sharshy metrdi quraǵan órt sóndirildi. Bul konteıner elektrlendirilgen bolyp shyqty. Qyzyl jalynnyń shyǵý sebebi – otpen abaısyz áreket etýden nemese elektr qurylǵylaryn paıdalaný kezinde órt qaýipsizdigi erejelerin saqtamaýdan bolýy múmkin», - dep habarlady vedomstvo ókilderi.
Osy rette TJD turǵyndarǵa elektr qurylǵylaryn paıdalaný kezinde qaýipsizdik erejelerin qatań saqtaý qajettigin eske salady.
