Óskemende órtengen úıdiń jertólesinen úsh adamnyń máıiti tabyldy
ÓSKEMEN. KAZINFORM – Óskemen qalasynda órtengen jer úıdiń jertólesinen úsh adamnyń denesi tabyldy.
Qaladaǵy jer úılerdiń biri órtengen. Tilsiz jaýdy aýyzdyqtaý barysynda úıdiń jertólesinen úsh adamnyń máıiti tabyldy.
ShQO Polıtsııa departamenti baspasóz qyzmetiniń málimetine súıensek, qazirgi ýaqytta adam óltirý faktisi boıynsha qylmystyq is qozǵaldy. Kúdikti anyqtalyp, qamaýǵa alyndy.
- Polıtsııa qylmystyń barlyq mán-jaıy men sebepterin obektıvti zertteýge baǵyttalǵan qajetti tergeý amaldaryn júrgizip jatyr. Tergeý barysy ShQO PD basshylyǵynyń jeke baqylaýynda, - delingen aqparatta.
Beıresmı málimetterge súıensek, marqumdardyń bastarynda kesilgen jaraqattar tabylǵan.
Eske salsaq, buǵan deıin ShQO-da sońǵy on kúnde kúıeýinen zábir kórgen 151 áıel polıtsııadan kómek suraǵany habarlanǵan.