Óskemende órtengen úıden áıel qutqaryldy

ÓSKEMEN. QazAqparat – Óskemen qalasynda 3 jigit órtengen úıdegi áıel adamǵa kómekke keldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, órt 12 naýryzda Protozanov kóshesinde ornalasqan 9-qabatty úıdegi páterde shyqqan.

«Sol mańda júrgen úsh jigit páterden shyqqan qoıý tútindi kórip, balkonnyń karnızinde ilinip turǵan áıeldi baıqap qalady. Berik Saǵymbaev, Daryn Jánibekov, Bektemir Álibekov oılanbastan kómekke umtylǵan. Podezge júgirip kirip, órt shyqqan jerden bir qabat tómen ornalasqan kórshi páterdiń esigin qaǵady. Dereý balkonǵa barǵan Berik Saǵymbaev áıeldi ustap úlgergen. Oǵan dostary Daryn jáne Bektemir kómektesti», - delingen aqparatta.

Medıtsınalyq kolledjde oqyp júrgen Daryn jylap, qatty qoryqqan áıelge alǵashqy kómek kórsetti. Sodan keıin podezdegi páterlerdi túgel aralaǵan úsh er adam turǵyndarǵa órt týraly habarlap, úıden shyǵý qajettigin jetkizdi.

Kóp uzamaı oqıǵa ornyna órt sóndirýshiler kelip jetip, qyzyl jalyndy tolyqtaı aýyzdyqtady