Óskemende órtengen úıden anasy men balasy qutqaryldy
ShQO Tótenshe jaǵdaılar departamenti baspasóz qyzmetiniń málimetine súıensek, órt 9 mamyr kúni qaladaǵy Metallýrgter kóshesinde ornalasqan turǵyn úıdiń ekinshi qabatynan shyqqan.
Tútin tumshalaǵan podezden 15 turǵyn syrtqa óz betinshe shyqqan. Órt sóndirýshiler oqıǵa ornyna kelip jetkende qyzyl jalyn páter ishindegi jıhaz ben jeke zattardy sharpyp úlgergen.
«Jyldam áreket etken №7 órt sóndirý bóliminiń qyzmetkerleri ishtegi ana men balasyn qutqaryp qaldy. Sondaı-aq bólmelerdiń birinen gaz ballonyn shyǵaryp úlgerdi. Tilsiz jaýdyń shyǵýyna elektr jabdyqtaryn montajdaý jáne paıdalaný kezinde órt qaýipsizdigi erejelerin saqtamaý sebep bolýy múmkin», - delingen aqparatta.
Aıta keteıik, órtti sóndirýge barlyǵy 4 tehnıka men jeke quramnan 15 adam jumyldyryldy.
Foto: ShQO TJD