Óskemende órtengen úıden 8 turǵyn qutqarylyp, 10 adam evakýatsııalandy

ÓSKEMEN. QazAqparat – Óskemen qalasynda órtengen úıden 8 turǵyn qutqarylyp, 10 adam evakýatsııalandy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, Nazarbaev dańǵylyndaǵy páterde órt shyqqan.

«Oqıǵa ornyna shuǵyl kelip jatqan órt sóndirýshiler birinshi kezekte úılerinen shyǵa almaı jatqan 8 turǵyndy, onyń ishinde 3 balany qutqaryp, tútin basqan podezden 10 adamdy evakýatsııalady. Barlaý barysynda páter ishinen 1980 jylǵy úı ıesiniń ulynyń denesi tabyldy», - delingen aqparatta.

Sondaı-aq, der kezinde kómekke kelgen órt sóndirýshiler 1984 jyly týǵan adamdy tútin basqan páterden alyp shyqty. Ýlaný jáne termııalyq kúıik belgileri bar ol jedel járdem kóligimen qalalyq aýrýhanaǵa jetkizildi.

Kóp uzamaı jalpy aýdany 15 sharshy metrdi quraǵan tilsiz jaý tolyqtaı aýyzdyqtaldy. Órttiń shyǵý sebebi – tósekte mas kúıde temeki shegýden bolýy múmkin.

Aıta keteıik, jalyndy sóndirýge barlyǵy 14 órt sóndirýshi men 6 tehnıka jumyldyrylǵan.