Óskemende órtengen úıden 4 adam qutqaryldy

ÓSKEMEN. QazAqparat – Óskemen qalasynda otqa oranǵan úıden 4 adam qutqaryldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, 25 jeltoqsan kúni Óskemendegi Nazarbaev kóshesinde jeke turǵyn úıde órt shyqty.

«Oqıǵa ornyna órt sóndirýshiler shuǵyl kelip jetti. Kók tútin tumshalaǵan úıdiń ishine kirip barlaý jasaǵan qutqarýshylar eki adamdy taýyp, syrtqa alyp shyqty. Olar úıde áli eki adam baryn jetkizgen. Osylaısha, barlyǵy 4 adam qutqaryldy, atap aıtqanda 1987 jylǵy áıel jáne 1974, 1982 jáne 1988 jylǵy úsh er adam», - delingen aqparatta.

Dárigerler zardap shekkenderdi tekserip shyqty, biraq olar aýrýhanaǵa jatýdan bas tartty. Kóp uzamaı jalpy aýdany 90 sharshy metrdi quraǵan tilsiz jaý tolyqtaı aýyzdyqtaldy.

Órttiń shyǵý sebebi – otty abaısyz paıdalanýdan bolýy múmkin. Qyzyl jalynmen kúreske jeke quramnan 19 adam men 5 tehnıka jumyldyrylǵan.