Óskemende órtengen úıden 3 adamdy qutqaryp qalǵan azamat marapattaldy

ÓSKEMEN. QazAqparat – Óskemen qalasynda órtten birneshe adamdy qutqaryp qalǵan beıbit kúnniń batyrlary marapattaldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek,

Óskemende adam janyn ajaldan arashalap qalǵan azamattar Tótenshe jaǵdaılar mınıstriniń buıryǵymen marapattaldy.

30 qarashada túngi saǵat 02.21-de Bajov kóshesindegi turǵyn úıde órt shyqqan. Shatyrdyń aǵash qurylymdary, jıhaz, turmystyq tehnıka men jeke zattar jandy. Órt sóndirýshiler kelgenshe sol mańnan bara jatqan kýáger Rýstem Sarıpov birden kórshi turatyn Nıkolaı Salomaevty oıatqan. Ekeýi terezeni syndyryp, tútin tumshalaǵan úıden 74 jastaǵy úı ıesin taýyp, syrtqa alyp shyqty.

Dál osy túni qala turǵyny Andreı Ilenkov Dalnevostochnaıa kóshesinde otqa oranǵan úıden úsh adamdy qutqaryp qalǵan. Onyń bireýi bala edi. Búgin beıbit kúnniń batyrlaryna «Tótenshe jaǵdaıdaǵy erligi úshin» tósbelgisi saltanatty túrde tabystaldy.

«Kórsetken batyldyqtaryńyz úshin sizderge alǵys bildiremiz! Syn saǵatta osyndaı qadamǵa árkimniń bara bermesi anyq. Jerlesterimizdiń arasynda osyndaı erjúrek azamattardyń bary qýantady» - dedi quttyqtaý sózinde ShQO TJD bastyǵy Erlan Nurpeıisov.